SWYDD WAG - Swyddog Polisi

SWYDDOG POLISI

Mae UCAC yn chwilio am berson profiadol, brwdfrydig a medrus i ymuno â'n tîm gweithgar.

  • Prif waith y Swyddog Polisi fydd paratoi a chydlynu polisïau UCAC mewn cydweithrediad â’r Ysgrifennydd Cyffredinol ac o dan arweiniad y Cyngor Cenedlaethol a’r Gynhadledd Flynyddol
  • Hyrwyddo polisïau UCAC ar lefel genedlaethol, rhanbarthol a lleol

Cyflog cychwynnol y swydd: £49,820

Ceir ffurflen gais, disgrifiad swydd a manylion pellach isod. 

 

DISGRIFIAD SWYDD a MANYLEB PERSON

FFURFLEN GAIS 

Dyddiad cau: Tachwedd 2il, 2026 am 1 yp

Cyfweliadau: Tachwedd 10fed, 2026

01970 639950|Mae'r cyfeiriad e-bost hwn wedi'i warchod rhag robotiaid sbam. Rhaid i chi alluogi JavaScript i'w weld.

SWYDD WAG - Swyddog Aelodaeth a Gweinyddol Rhan Amser

Ail-Hysbyseb – Cyfle i weithio’n hyblyg

Swyddog Aelodaeth a Gweinyddol Rhan Amser 0.8 – Dros Dro (hyd at Ebrill 30ain, 2027)

Mae UCAC yn chwilio am berson profiadol, brwdfrydig a medrus i ymuno â'n tîm gweithgar.

 

Prif waith yr Swyddog Aelodaeth a Gweinyddol fydd:

  • arwain ar faterion aelodaeth yr undeb gan gadw rhestr aelodaeth gyfredol yr Undeb, adnabod anghenion a chyfleoedd recriwtio’r Undeb a bod yn weithredol yn y broses recriwtio
  • gweithredu fel Derbynnydd UCAC pan yn y Brif Swyddfa
  • cefnogi’r Uwch Swyddog Gweinyddol i sicrhau gweinyddiaeth effeithiol i’r Undeb

Cyflog y swydd: £34,211 (pro- rata 4 diwrnod yr wythnos)

Ceir ffurflen gais, disgrifiad swydd a manylion pellach isod. 

Dyddiad cau: Tachwedd 2il, 2026 am 1 yp

Cyfweliadau: Tachwedd 10fed, 2026

DISGRIFIAD SWYDD 

 MANYLEB PERSON

FFURFLEN GAIS 

01970 639950|Mae'r cyfeiriad e-bost hwn wedi'i warchod rhag robotiaid sbam. Rhaid i chi alluogi JavaScript i'w weld.

 

CEFNOGI ARWEINWYR YSGOLION A CHOLEGAU ADDYSG BELLACH 

Hydref 2026 

Ydych chi'n arweinydd ysgol?  Ydych chi'n teimlo y gallech elw o gael sgwrsio'n gyfrinachol gyda rhywun sy'n deall yr heriau yr ydych chi'n eu hwynebu?

Mae Education Support yn cynnig goruchwyliaeth broffesiynol i arweinwyr ysgol.  

Byddwch yn cyfarfod am chwe sesiwn ar-lein gyda goruchwyliwr cymwys sy'n deall y sector addysg.

Mae gan oruchwyliaeth ffocws proffesiynol ac mae'n gwbl gyfrinachol. Mae'n amser wedi’i neilltuo i'ch rôl fel arweinydd addysg, a bydd yn eich helpu i wella'ch llesiant.

Mae Education Support eisoes wedi cefnogi dros 1300 o arweinwyr ysgol a choleg. Gall y pynciau sy'n cael eu harchwilio yn yr oruchwyliaeth gynnwys:

  • Ymdrin ag agweddau emosiynol heriol ar eich rôl
  • Cydbwyso gyrfa heriol gyda bywyd cartref iach
  • Eich hunaniaeth broffesiynol a'r gost bersonol o wneud eich gwaith
  • Rheoli perthnasoedd gwaith anodd
  • Ailgysylltu â'r hyn sy'n wych am yrfa mewn addysg

Mae astudiaethau'n dangos fod

*goruchwyliaeth yn gwneud gwahaniaeth gwirioneddol i fywydau arweinwyr.

*goruchwyliaeth yn gwneud gwahaniaeth gwirioneddol i lesiant arweinwyr.

*goruchwyliaeth yn gysylltiedig â boddhad swydd.

*goruchwyliaeth yn gysylltiedig â gwell llesiant emosiynol. 

 

Am fwy o wybodaeth, dilynwch y ddolen isod: 

Wellbeing support for school and FE leaders | Education Support

FFONAU SYMUDOL 

Hydref 2026 

Mae Llywodraeth Cymru am glywed eich barn am ffonau symudol yn ein hysgolion.   Dilynwch y ddolen isod, er mwyn gweld sut y gallwch chi ddweud eich dweud a rhoi eich barn.  Bydd yr ymgynghoriad yn cau ar Ragfyr 2il.  Mae'n bwysig fod aelodau o'r gweithlu addysg yn rhoi eu barn.  Bydd UCAC yn ateb ar ran ei aelodau, ond mae hwn yn gyfle euraidd i chi fel aelodau unigol hefyd i leisio eich barn chi.  

 Ymateb: Datblygu polisi ffonau symudol: canllawiau drafft i ysgolion | LLYW.CYMRU

Mwy o Erthyglau...